Cristiano Ronaldo a keda kondena na 23 luna di prison i tin di paga but di 19 mion euro

63
Fot cristiano: Cristiano Ronaldo aki huntu ku su pareha Georgina Rodríguez na momentu ku nan yega konformidat den e Oudiensia Provinsial dje kapital di Spaña, pa loke ta e huisio pa delito fiskal.

MADRID,  – Cristiano Ronaldo a deklará su mes kulpabel di kuater delito fiskal despues dje lektura di e hechonan, na unda e la firma un akuerdo di  konformidat den e Oudiensia Provinsial dje kapital di  Spaña, pa loke ta e huisio pa delito fiskal den su kontra.

E kondena ta di dos aña di prison i pago di  18,8 mion euro den virtut dje pakto na unda Fiskal i Hacienda a yega na un akuerdo, porlotantu e delantero portugues  a rekonosé di a kometé kuater delito fiskal entre  2011 i 2014.

E futbolista portugues, Cristiano Ronaldo, aktualmente ta den e filanan di  Juventus di Turín, a limitá di bisa ku tur kos ta kana perfekto despues di salida for dje Audiensia Provincial na Madrid, porsierto na unda e la akudí na huisio pa eludi e  5,7 mion na Hacienda (Belasting).

Cristiano a yega ku un gesto di trankilidat sin hasi deklarashonnan huntu ku su pareha Georgina Rodríguez mitar di nuebe mainta ora di Spaña, na unda e la firma pa algun fanátiko i pasa pe sala interior dje eks na unda e kaso mester a tuma lugá.

Aki den e la keda pa mas o ménos un sinkuenta minüt, na unda e la akseptá e hechonan di lektura di akuerdo ku e konformidat den su kontra.

Posteriormente e la atende e fanatikonan  pero sin pará pa e tantísimo medionan di komunikashon ku tabata ward’é pafó. CR-7  a drenta un outo pretu ku su glasnan pretu i move for di e sitio.