Dama (28) detené pa asesinato Derk Kiers

68
kas kaminda a bin haña e víktima
GRONINGEN—Polis a detené un dama di 28 aña di Stadskanaal relashoná ku morto di Derk Kiers (41).

Kiers a keda haña morto den su kas na Wildervank Groningen den yanüari 2011. Mésora outoridatnan a konkluí ku ta trata di un krímen. Den mesun aña polis a detené diferente persona, entre otro su eks-partner pero a keda inklaridat rondó di su morto. Pa algun aña kaba polis ta trata e investigashon komo un asina yamá ‘cold case’. Algun luna pasa a start un investigashon nobo riba e asesinato di Kiers a base di informashon nobo. Ya komo e investigashon ta kana, no ta konosí ku tipo di informashon. Ministerio Públiko a primintí 10.000 euro di rekompensa pa e tep ku por kondusí na e sospechoso, pero esaki no a duna resultado.