Eksploshon di un granada den bùs ta okashoná seis herido

80
Bùs den kua e artefakto a eksplotá.

GUATEMALA – Un total di seis persona a resultá heridá den oranan di ayera pa eksploshon di un granada den un bùs di pasahero na e kapital di Guatemala.

E bosero polisial munisipal di tránsito, Amilcar Montejo, a indiká ku e atake a keda realisá kontra un unidat di e ruta 32 di transporte públiko, konkretamente un sektor den e zona 7 di e kapital.

Segun tur kos ta indiká, un muhé a sufri amputashonnan di su dedenan na ámbos mannan i esaki tabata kende aparentemente a akshoná e artefakto den interior di e bùs.

Segun e bosero di bombero munisiptal, Edwin Villagrán, e muhé di e amputashonnan a keda identifiká komo Mirna Elizabeth Juarez, di 19 aña di edat.

E hóben i otro sinku persona mas ku a resultá heridá, a keda trasladá pa e hospital Roosevelt unda esaki su direkto a identifiká nan komo Reyna Isabel Gramajo, di 63 aña ku a sufri daño na altura di su pia, Mario Enrique Alvizures, di 26 aña i keda a sufri daño na altura di su kara, Marta Flora Peres, di 32 aña i ku heridanan na su pia, Nicolas Cot Mendez, di 79 aña i ku heridanan tambe na su kara i por último, Dorian Noelia Pérez, di 23 aña ku slanan na altura di su rudia.

E seis heridonan ta den situashon kritiko, pero ta stabil, esaki segun e mesun direktor di e sentro médiko a indiká na medionan di komunikashon.

Outoridatnan di nan banda a kondená e atake den transporte ku pasahero i a indiká ku e echo aki ta konstituí un violashon klaro di derechinan humano.

Rodas a eksigí e Ministerio Públiko di investigá e atake i yega na e outornan intelektual, tambe a indiká ku lo tin di implementá akshonnan pa asina protehá e bida di e abitantenan na e pais.