Kraneo den mondi Putten ta siglo bieu

113
NFI a determiná ku ta trata di un kraneo hopi bieu
PUTTEN—E kraneo ku a haña den september 2018 den mondi na Putten ta siglonan bieu segun un investigashon di instituto forénsiko NFI.

Investigadónan di NFI ta kalkulá ku e persona a fayesé entre 1535 i 1829. Pasobra e kraneo ta asina bieu, polis lo no hasi mas investigashon di identidat di e persona. Polis no ta buska mas aleu tampoko kon e kabes a yega den mondi di Putten, segun un bosero di unidat di polis di Oost-Nederland. Si e kraneo ta menos bieu ku 100 aña, polis lo a hasi investigashon DNA i tambe konsultá e database di personan pèrdí. Asina por investigá si e kraneo ta prosedente di un persona pèrdi. Djis despues ku a deskubrí e kraneo tabata kla ku ta trata di un persona humano. NFI a investigá kon bieu e kraneo ta. Mester determiná kiko ta bai hasi ku e kraneo òf si ta use pa investigashon arkeologiko.