Sifra di mortonan pa eksploshon na México ta alkansá 85

58
A indiká ku por dura asta lunanan pa logra identifiká algun di e kadavernan.

CIUDAD DE MEXICO – E number di víktimanan mortal registrá den e eksploshon pa un hòrtamentu di gasolin na Tlahuelilpan, den e estado mehikano di Hidalgo, a pasa di 79 pa 85 persona den e último oranan.

Segun outoridatnan a indiká den oranan di djadumingu mainta, e sifra tabata di 79 morto i despues di algun ora, esaki a oumentá ku seis. Ku esaki ta yega na un sifra total di 85 morto.

E titular di e Sekretaria di Salú a indiká ku e number di personanan hospitalisá a pasa di 66 pa 58, pues den e último oranan, ademas di e seis víktimanan mortal, otro dos persona a bai kas despues ku nan salú a mehorá.

E gobernadó di e estado sentral di Hidalgo, Omar Fayad, a resaltá ku e gran ‘dimenshon’ di e tragedia aki ta serio i a indiká ku lo duna un man na e famianan, sigurando ku nan lo risibí yudansa ekonómiko pa e entiero di nan sernan kerí. Ademas esaki a indiká ku e investigashonnan den e kaso aki ta kontinuá.

A rekordá ademas ku na e sitio, a haña un total di 68 restunan humano i ku a sa di identifiká un total di nuebe kurpa sin bida.

Tambe a papia di 54 muestranan genétiko proporshoná pa famianan di e víktimanan i un number similar di mapnan di investigashonnan habrí.

Den mesun rosea a indiká, ku debí na e situashon di esaki nan, lo por dura vários dia, simannan òf lunanan promé u logra identifiká algun di e restunan. E gobernadó di su banda no a deskartá e posibilidat di akudí na organismonan ekstranhero pa analisá restunan.

Tur esaki a inisiá den oranan di djabièrnè atardi, na momentu ku un grupo di personanan di e munisipio di Tlahuelilpan, na e estado sentriko di Hidalgo, a rementá un pipa i a kuminsá saka gasolin for di esaki.

Despues di algun ora, aunke ku tabatin presensia di Ehérsito, ku a sa di kontrolá e vários shen personanan ku a aserká pa kua gasolin, un fuerte eksploshon a keda registrá.