Barça a kontrata Frenkie De Jong pa 86 mion euro pa sinku temporada

104
Fot frenkie: Frenkie de Jong aki ku e presidente di FC Barcelona Josep Maria Bartomeu despues di firma su kontrakt pa sinku temporada pa 86 mion euro

BARCELONA,  – E ekipo di FC Barcelona djarason a kompletá e kontrakt dje mediokampista di  Ajax di Ámsterdam, Frenkie De Jong.

Barça ta atkerí e internashonal hulandes akambio di  kambio di 86 mion euro, entre fiho (75) i variabel (11), miéntras ku e ekstenshon dje akuerdo ta pa  sinku temporada for di 30 yüni próksimo.

E sifranan aki ta kombertí De Jong den e traspaso mas karu pa un futbolista hulandes, superando  Virgil Van Dijk su pas’é pa Liverpool ku a yega un suma di  85 mion euro.

E transferensia  tambe ta impliká ku  Frenkie lo bai persibí un ingreso di  16 mion euro teniendo na kuenta e kontratashon di un 10 mion euro, mas otro 6 mion di variabel den funshon di diferente ophetivo.

Promé ku PSG i City

E organisashon Catalan a tuma delantero dje negosashonnan den e último  fechanan riba  tantu ekipo di  PSG komo Manchester City, porsierto ku ta ekiponan ku tabata intenso pa kontratá  De Jong, porsierto di kua nan mantené un bataya kabes kabes te na final kontra di Barca.

ku Pep Guardiola ta “furioso” pa e hecho ku e la pèrdè posibilidat di firma Frenkie de Jong  paso su ekipo a retirá  for di e “race” pa buska e mediokampista.

Segun  medio ingles di kua a publiká e notisia komo eksklusivo, Guardiola lo a mantené un reunion sekreto ku De Jong i práktikamente lo a konvensé pa e aña ku ta bin aki e bin traha bou di su òrdunan.

E reunion  a dura tres ora i mei, miéntras segun Mirrror esaki a tuma lugá na London despues dje  partido entre e selekshonnan di Alemania i Hulanda luna pasá.

Segun  Mirror e  representantenan di  Manchester City tabata kera biaha  Amsterdam pa yega na un akuerdo di 75 mion euro pa firma e hungadó ku mester a yega zomer próksimo, pero despues a suspendé e reunion i tambe a komuniká na Ajax ku nan ta laga e operashon den frizer (wanta kuné un ratu). 

E paro diripiente aki a pone ku ekipo franses PSG  bula riba e hungadó. Es mas ku un ratu asta e korant hulandes De Telegraaf parse ku ya tin un akuerdo entre Ajax i ekipo franses, aunke mester apuntá si ku notisia a keda ninga pa tantu  De Jong mes komo su  representante.