Barcelona ta trompeká den Pizjuán kontra di Sevilla

103
Fot yerry: Den gesto ku ta lagabu pensa hopi e hungadó Ben Yedder ta mustra su flanèl despues di skor e 2-0 pa Sevilla di kua ta bisa “ Pa mi ruman forsa E. Sala”. E dedikashon ta na honor dje futbolista Emiliano Sala ku ta pèrdí riba laman.

SEVILLA,  –  Sánchez Pizjuán ta un stadion ku ta hole spesial  meskos ku e suidat. Un kancha eduká i intenso ora ta rekurí na okashonnan, sigur ora su ekipo mester di un viktoria.

Di otro banda tin ku kos ku Barcelona ta krese na kas i tur kos ta posibel, pero pèrdè  2-0 kontra di  Sevilla komo bishitante ta un situashon difísil den kaso bo ke pasá pa e semifinal  Copa Rey.

Un plantel azulgrana ku poko futbòl kontra di un poderío anémiko  inyektá den plantel sevillano, ku porsierto awor tin na su fabor e eliminatorio.

Un gol di Sarabia i otro mas di Ben Yedder a pone e bentaha na fabor di  Sevilla riba ekipo di  Barcelona, di kua ta bolbe lamentá e ousensia di Lionel Messi den su aliniashon. E golnan a yega na di  57  i  75 minüt’ pa Sevilla ganá 2-0.

Kosnan Importante dje Partido:

SEVILLA: Soriano, Mercado, Kjaer, Sergi Gómez, Navas (André Silva, 69′), Banega, Amadou, Sarabia (Franco Vázquez, 65′), Escudero (Arana, 88′), Promes i Ben Yedder.

FC BARCELONA:  Cillessen, Sergi Roberto, Piqué, Lenglet, Semedo (Jordi Alba, ,80′), Rakitic, Arthur, Aleñá, Vidal, Malcom (Coutinho, 53′) i Prince Boateng (Suárez, 53′).

GOLNAN: 1-0, Sarabia (57′). 2-0, Ben Yedder (77′).

REFRI: Del Cerro Grande (colegio madrileño).  E la duna karchi hel na  Sergi Gómez (73′)/Jordi Alba (84′).

INSIDENSIANAN: Partido korespondiente na esun di  ida den kuartfinal di  Copa  Rey disputa den i Sánchez Pizjuán dilanti di 41.000 fanátiko.