Bright Premier Cup ta ON pa 2019

45
Willemstad,– Pa di 6 aña konsekutivo e prestigioso Torneo Premier Cup lo wòrdu organisá na Suvek Ball Park. E aña aki un komishon di seis persona lo ta enkargá ku organisashon di e torneo aki kual ta un torneo ku e ekipo di sòfbòl Cicoza ta organisá.

Ya pa di tres aña kaba e Torneo aki ta karga e nòmber di e spònser prinsipal ku ta Amstel Bright Premier Cup 2019.

E aña aki e torneo lo hunga tur su weganan atrobe na Suvek Ballpark riba e siguiente fecha nan:

– 9-10 febrüari

– 15-16-17 febrüari

– 22-23 febrüari

– 1-2-4 mart

– 8-9-10 mart

Lo tene debidamente kuenta ora di traha skèdjel ku dianan importante di Tumba i Karnaval.

E mihó ekiponan di aktualidat lo kompetí kontra otro den vários sekshon entre otro:

  1. Liga 50
  2. Ekiponan di Liganan Kompetitivo manera di Liga van Engelen i Liga Amstel
  3. Ekiponan Komersial den sekshonnan Soshal, Challenger i Co-Ed

Mester apuntá tambe ku ya e invitashonnan a sali i inskripshon ta wòrdu trata sistema “esun ku yega promé ta bebe awa limpi”. Tur ekipo ku kier prepará pa HOPE 2019 ta keda kordialmente invitá pa tuma kontakto ku e Komishon Organisadó mas lihé ku ta posibel pa sigurá nan partisipashon den Bright Premier Cup 2019. Inskripshon lo sera 31 di yanüari 2019 i pues esun ku ta afó lo ta afó i lo no hasi eksepshon. Yama Pim Fangman awor mesora na number di telefon 5104835 pa inskribí bo ekipo, kòrda trempan ta benta, no yega den lat i buska manera pa tòg forsa pa bo drenta. Bo tin tempu awor i pues hasi bo inskripshon mesora. Yama Pim Fangman of manda mail na pimfangman@gmail.com.