Eksplosivo dilanti kas miembronan Outlaw Motorcycle Gang

86
dos eksplosivo den un anochi
ECHT—Djamars polis a bin haña un eksplosivo tantu den kura di un kas na Echt i komo tambe na Holtum.

Na Holtum ta trata di kas di un miembro di e klup Outlaw Motorcycle Gang (OMG) segun outoridatnan polisial. Den e kaya na Echt tambe ta biba un miembro di e grupo. E habitante di e kas den Cypresstraat na Echt no ta afiliá na e grupo OMG. Alrededor di 9:00 djamars mainta polis a haña melding di un eksplosivo (handgranaat) den kura di un kas den Velgraafweg na Holtum. Djis despues a sera e kaya. Polis a pidi habitantenan pa bandona nan kasnan. Servisio EOD a yega na e sitio pa investigashon. Entretantu e situashon ta bou di kontrol. Mei ora despues, 9:30 polis a haña un melding di otro eksplosivo na Echt. Aki tambe EOD a hasi investigashon. Ta investigando ki tipo di eksplosivo. No ta konosí si tin un relashon entre e dos insidentenan. A yama un reunion urgente entre polis, OM, burgemeester di Sittard-Geleen. Ta papia di medidanan di seguridat pa e dos sitionan. Luna pasa a haña un eksplosivo den kura di presidente di e grupo Bandidos na Limburg.