Hòmber ku a asesiná muhé na estado riba kayanan di Ecuador detené

54
Algun di e muhénan ku a subi kaya pa reklamá hustisia.

QUITO – Outoridatnan polisial di Ecuador a detené un individuo ku tabata kende a ‘sekuestrá’ un muhé a estado serka di 90 minüt i presuntamente a hinka esaki, provokando su morto riba kaya di e siudat di Ibarra.

Den oranan di anochi den fin di siman tras di lomba, na e siudat di Ibarra, a provoká fayesementu di un siudadano, produkto di heridanan ku el a sufri di un opheto punta i kua a keda ehekutá pa su aktual pareha.

E dokumento ta presisá ku den oranan di anochi, outoridatnan a keda alertá ku un siudadano tabata keda agredí tantu físiko komo verbalmente, pa kua mesora outoridatnan a presentá na e sitio.

Na nan yegada na e sitio, agentenan a topa ku un siudadano ku tabata menasá ku un kuchú i ku tabata pretendé di atentá kontra bida di un muhé ku presuntamente ta su propio pareha.

Debí na e situashon aki, agentenan a kuminsá tuma prekoushon i aktua segun e sirkunstansianan. Sinembargo, di forma inesperá i hostil, e hòmber a inisiá ku un agreshon kontra e víktima.

Despues di a hinka su víktima ku un kuchú, e agresor a keda detené pa agentenan polisial i e muhé, identifiká komo Diana Carolina R. R., i kende tabata den periodo di gestashon, a keda trasladá pa un sentro médiko.

Sinembargo, algun minüt despues a konfirmá esaki su morto produkto di e heridanan grave ku el a sufri na altura di su toraks.

E detenido, identifiká komo Yordy Rafael L. G. i di nashonalidat venezolano, a keda trasladá huntu ku evidensianan di e krímen pa e outoridatnan kompetente i poné bou di disposishon hudisial.

Diana Carolina tabata mantené un relashon ku e agresor aunke ku nan tabata distansiá, segun a keda indiká pa famianan ku a akudí na e sentro médiko despues di e insidente.

E suseso a provoká ku bisiñanan di Ibarra a subi kaya pa asina reklamá i protestá pa ku e tipo di situashonnan aki.

Tambe esaki a provoká indignashon riba retnan sosial, unda a pone imágennan di e suseso, unda por mira tur loke a sosodé dilanti di e agentenan polisial ku tabata na e sitio.