Icho Monte Jacinto “Chinto”Pantophlet Jill Frans i Remy Joss

115
E tin Festival di Tumba duru pega na su Kurason.
WILLEMSTAD,—-No tin duda ku djadumingu awor tur kos lo bai ta konsentrá den Curaçao Festival Center, kaminda ku lo bai tin inskripshon di Festival di Tumba 2019. T’asina ku inskripshon ta kuminsá 2 or di mèrdia, i pa mitar di 7 di anochi ta bira konosí ta ken tur ta den e aña aki.

Mes un kos ku e aña nan anterior kaminda ku tur agrupashon musikal ta perkurá pa nan banda ta kayente, e aña aki tambe ta e kaso. ‘E Mulina’, a logra na haña e Line Up di agrupashon musikal Dolce Banda, i nos tin ku bisa ku Dolce Banda su Line Up ta hopi interesante e aña aki den e di 49 edishon di Festival di Tumba.

Dolce ta bai partisipá ku 4 kantante i esaki nan ta Jacinto”Chinto”Pantophlet, Icho Monte, Remy Joss i Jill Frans. Pa loke ta trata e parti di historia Chinto Pantophlet ta e úniko kantante ku a partisipá na aña 1980 den festival di Tumba, pues esaki tambe ta parti di historia di Festival di Tumba.

Tambe nos tin informashon ku Dolce Banda ta full den preparashon pa ku nan kuater kantante nan. Nos tin informashon ku djadumingu awor nan ta bai bin ku un show  tur afó den Curaçao Festival Center, i mas ku klaru esaki bo por mira bibu, bibu riba e plataforma di Facebook di Vigilante.