Polis ta detené dos hòmber di Sint Willebrord relashoná ku multiple asesinato

52
mas detenshon den kaso di multiple likidashon Enschede  
WILLEBRORD—Djamars polis a detené dos hòmber (71, 32) di Sint Willibrord relashoná ku asesinato di 4 persona na Enschede.

E duo ta keda sospechá di a hasi entrega di arma na sospechosonan den e kaso. Despues di nan detenshon a tene entrada hudisial den un kas na Willebrord. No ta konosí ken ta biba einan. Polis no ta eskluí mas detenshonnan den e kaso. Dia 13 november 4 hòmber a pèrdè nan bida den un tiroteo na Enschede. A bin haña nan kurpanan den un edifisio komersial den Leeuwenhoekstraat. Den e edifisio posiblemente tabatin negoshi di droga. dos di e víktimanan a keda detené anteriormente den un kaso di trafikashon di mariwana. Polis a pidi asistensia di Team Grootschalige Opsporing ku ainda ta investigando e kaso.. tin 80 reshèrshi ta traha riba e kaso di multiple likidashonnan. Dia 26 november polis a detené tres hòmber den edatnan di 30, 32 i 57 riba sospecho di envolvimentu den asesinato di e 4 hòmbernan. Ainda nan ta enkarselá.