Scorpions a kita Ramses Jamanika for di Lipo

152
Ramses Jamanika despues di tur su añanan den “A” ku Santa Rosa Indians, a pasa pa e ekipo di Royal Scorpions pa kendenan e picher lo aktua den 2019.
Willemstad,– E ekipo Royal Scorpions ta birando kada dia mas agresivo pa loke ta buskamentu i firmamentu di hungadó pa temporada 2019.

E ekipo ya a firma Temesh Lourens, Curtney Doran, Dennis Gustina i awor nan ta logra tambe di yega na akuerdo ku e as picher di Santa Rosa Indians Rameses Jamanika kende a hunga hinter su karera den organisashon di Santa rosa.

Jamanika tabata ;liber i for di aña pasa tabata kontemplando pa firma ku Scorpions, pero el a keda di papia promé ku su ekipo Santa Rosa Indians i finalmente e siman aki el a pone su firma ku e organisashon di Royal Scorpions.

Mester apuntá ku esaki tabata un gòlpi dòbel fuerte, mirando ku ademas di ta un tremendo picher, Jamanika tabata manera un yu pa Lipo Elhage kende ta e presidente di Santa Rosa. Dne kombersashon ku Vigilante tabatin ku hendenan di Royal Scorpions, nan a informá nos for di aña pasa ku nan lo bai fuerte tras di Jamaninka i a papia ku e pciher na algun okashon. Finalmente e kos a bira mas serio i oferta a subi mesa kual a pone ku Rameses Jamanika den 2019 sigur lo picha pa e ekipo Royal Scorpions kende den 2019 a terminá ku rèkòrt di 5 gana i 31 pèrdí, kual nan a bisa ku sigur lo no por pasa mas.