Trio na suela despues di a baha nan for di outo pa asina por a listra nan.
Willemstad—– Polis a logra di detené tres tipo ku tabata moviendo den un vehíkulo riba e kaminda di Banda Bou ku dos arma di kandela den nan poseshon.

Djárason 23 di yanüari 2019 alrededor di 14.40’or, unidat di Mantenshon di Òrdu Públiko, a kontrolá un outo ku tres hòmber sospechoso aden riba kaminda di Weg naar Westpunt.

Durante di e kontròl polis a haña i konfiská:

– Dos arma di kandela ku un kantidat di bala skèrpi.

– Un kantidat droga.

– Un telefòn selular.

– Un kantidat di sèn largá.

– Un pòrtofon.

Na e sitio a detené e hòmbernan:

E.E.J., di 19 aña di edat.

NH.J. di 19 aña di edat.

L.M.Q.Y., di 18 aña di edat, tur tres nasé na Kòrsou, pa violashon di lei di arma di kandela i lei di opio.

E vehíkulo den kua e tres sospechosonan tabata aden, tambe a keda konfiská.

A presentá e trio sospechoso dilanti di un fiskal ouksiliar ku a ordená nan enkarselamentu, pendiente di mas investigashon.