Vigilante TV Farándula un biaha mas ta bai hasi historia den CFC

198
Nan tres a hasi historia aña pasa den inskripshon di Festival di Tumba.

WILLEMSTAD,—-Djadumingu awor lo bai ta un dia hopi grandi pa e tim di Vigilante TV Farándula. Mes un kos ku aña pasa e aña aki mes un kos ta bai pasa den Curaçao Festival Center, kaminda ku lo bai tin inskripshon di Festival di Tumba su di 49 edishon.

T’asina ku aña pasa Vigilante Tv Farándula a hasi su debut pa loke ta trata transmishon di inskripshon di Festival di Tumba. No ta un sekreto ku e Tim di Vigilante a dominá totalmente di Curaçao Festival Center, kaminda ku Germain “Chulo” Brunken i Kòrá Faneite huntu ku Melissa Arroyo a sa di pone kátedra di entrevista i historia rondó di Festival di Tumba.

Pues djadumingu aki un biaha mas bo Tim di Vigilante Tv farándula lo bai ta mas grandi ku aña pasa. Ya for di djasabra awor den ora nan anochi, tur hende por mira e promé moveshon nan ariña Vigilante TV ku ta ser transmití via e plataforma di Facebook.

Pa loke ta trata e transmishon di djadumingu awor for di 1 or di mèrdia, ya bo Vigilante TV lo bai ta bibu, bibu direktamente for di Curaçao Festival Center, kaminda ku Kòrá Faneite i Germain “Chulo” Brunken ta bai analisá i ku komentario nan alkaso rondó di Historia di Festival di Tumba su 48 aña di eksistensia, pues bo ta kordialmente invitá pa bo sinta trankil na ki parti mundu ku bo ta, pa asina bo sinta trankil i wak bo Vigilante Tv riba e plataforma di Facebook.