Duo arestá pa intentá di kibra bankomátiko dilanti wes komisario

303
E duo ku a keda presentá ayera dilanti wes komisario despues di a keda detené pa intentá di kibra bankomátiko.
Willemstad—   Ayera tantu e yu di Kòrsou komo e Hamaikino ku a keda detené komo sospechoso den e kaso di intento pa kibra e bankomátiko riba Corieweg a keda presentá dilanti wes komisario.

Tabata djamars 22 yanüari 2019, den oranan di mainta “Actie Ondermijnings team” a tene entrada hudisial na varios kas den área di Tera Kora, Dein, Veeris i un “Car Wash”. E entradanan hudisial aki ta den kuadro di un investigashon penal ku ta andando relashoná ku un kaso di ladronisia na un ATM mashin riba Corrieweg. En konekshon ku esaki polis a detené dos hòmber sospechoso.

Ta trata di: C.D.P. nasé na Kòrsou, di 37 aña di edat i R.B. nasé na Jamaica, di 21 aña di edat.

Ayera ámbos a keda presentá dilanti wes komisario na unda nan detenshon  a keda alarga.