Feko Lady Lava i Kòrá Faneite a sali pa Boneiru ku avion privá

464
Awe e ta sali pa Boneiru huntu ku Kòrá Faneite i Feko Gomes.

WILLEMSTAD,—-Djaweps den oranan di atardi a sali pa Boneiru Feko Gomes, MC Lady Lava i Kòrá Faneite den un Jet Priva, tur esaki ta den konekshon ku un rueda di prensa di agrupashon musikal Fanty Music su partisipashon den festival di Tumba di Kòrsou.

Ya algun siman tras di lomba ‘E Mulina’, a skibi un artíkulo kaminda ku ta bisa ku e popular MC Lady Lava ta bai hasi su debut den festival di Tumba, ku un komposishon di Danny Yanga i ku Lady Lava ta bai ser kompaña pa e agrupashon musikal di Boneiru ku ta Fanty Music.

T’asina ku Feko Gomes lo bai tei na nòmber di A.M.A.K. paso esaki ta pa promé bes den historia ku un agrupashon musikal di Boneiru ta bai partisipá den Festival di Tumba. Pa loke ta trata Kòrá Faneite e ta invitado Spesial, esaki ta den kuadro di su manera kon agresivo e la bin ta karga Festival di Tumba den e último 6 aña nan aki. Lady Lava lo bai tei pa asina durante di e rueda di prensa e keda presentá komo un di e kantante ku ta bai partisipá ku Fanty Music den festival di Tumba 2019. Pues awe tardi Feko Gomes, Kòrá Faneite i Lady Lava ta sali pa Boneiru.