Kantidat rekort kokaina (73.000 kilo) konfiská den 2018

542
importashon droga a oumentá ku 27%
ROTTERDAM—Un kantidat rekort di 73.000 kilo di kokaina a keda interseptá den hafnan di Hulanda i Belgika den 2018.

Den 2017 tabata trata di alrededor di 54.000 kilo. Kriminalnan di sur i sentro Amerika ta hasi tur posibel pa drenta Oropa seguun polis. Hulanda ta keda usa prinsipalmente komo pais di transito. E oumento den importashon di droga ta prinsipalmente debí na e fasilidatnan ku Hulanda ta ofresé. Trafikantenan ta preferá hasi uso di eliñaan di transporte hulandes. Hulanda tin un bon infrastruktura i kriminalnan ta probecha di esaki. Banda di esaki polis a informa ku kada bes ta drenta lotenan mas grandi Hulanda. Algun aña pasa tabata trata di un karga di 500 kilo. Aktualmente ta trata di míles di kilo. Hopi ta bai Alemania tambe. Minister di Hustisia Grapperhaus kier atende e trafikashon di droga hopi serio. El a konstatá anteriormente ku kriminalidat kombiná ku trafikashon di droga ta afektá i drenta komunidat bou di siudadanonan. Resientemente investigadónan di akademia di polis a bisa ku Hulanda ta e sentro di oropa pa loke ta trata produkshon i trafikashon di droga. Ta trata di droganan sintetiko pero tambe kokaina, kanabis i heroina.