Scorpions lo bini ku un picher kubano

119
Mènedjer di Scorpions resientemente tabata na Cuba kaminda ku el a opservá algun picher ku e ekipo di Scoprions lo por skohe unu entre nan.
Willemstad,– Dianan ta pasa i nos ta aserkando inisio di e kampionato di beisbòl “AA” ku tin programa un fecha tentativo kual ta 20 di aprel.

Informashonnan ku a yega serka Vigilante ta mustra ku e ekipo di Royal Scorpions tin intenshonnan hopi serio pa hunga playoff final e a1a aki. Den kombersashon ku un di e grandinan di Scorpions, el a bisa ku 2018 Scorpions a sali den sotano ku 31 pèrdí i apénas 5 gana i pa 2019 e intenshon ta pa nan bòltu e rèkòrt aki.

E persona aki a bisa Vigilante ku nan no sa ken lo keda for di e gran final, esta Wild Cats òf Santa Maria, pero lokual e por garantisá ta ku Royal Scorpions lo ta den final pa loke ta e kampionato 2019.

El a bisa Vigilante ku resientemente e mènedjer di Scorpions tabata na Cuba, kaminda el a opservá algun picher entre kual nan e ekipo lo bai skohe e mihó na pareser di e mènedjer.

El a splika Vigilante ku mirando ku riba merkado lokal picher ta hopi skars, nan lo bini ku un refuerso picher despues ku esaki a keda aprobá den reunion general di federashon.

Nos a trata di drenta den kontakto ku e mènedjer Sckoprion, se1or Raymond Van Gurp, pero e no tabata kontesta nos yamada.