Beibi di 20 dia reskatá despues di keda derá pa su mayornan

88
Beibi ku a keda reskatá.

INDIA – Un beibi di 20 dia di bida a keda reskatá pa un hòmber, kende a tende su yorá, despues ku el a keda derá pa su mayornan pa motibu ku nan a kere ku e tabata poseé pa spiritunan maligno. E echo aki a keda registrá na India.

Despues ku e hòmber aki a tende e yorá di e beibi, el a sigui esaki i despues a deskubrí ku esaki tabata bini for di bou di tera. Despues di a koba pa algun minüt, e hòmber a logra yega na e beibi, ainda na bida.

E personanan ku a yuda Kumar pa reskatá e beibi a sigurá ku e menor di edat tabata masoménos tres ora bou di tera. Esaki inmediatamente a keda transportá pa un sentro médiko, na nort di India.

Dòkter ku a risibí e beibi i a indiká ku esaki lo sigui den opservashon pa algun dia pa asina detektá si e tin algun enfermedat, produkto di e situashon ku el a pasa aden. Segun a keda informá, tabatin algun testigu ku ta afirmá ku un muhé ku pasa algun ora promé na e sitio, tabatin su kara tapá.

Segun a keda indiká, despues di algun investigashon, a logra identifiká esaki nan i e tata di 30 aña a logra keda detené. E mama, un muhé di 28 aña si a logra hui for di e sitio i ainda ta keda buská pa outoridatnan.

E historianan di maltrato i abandono di mucha muhénan resien nasí ta bastante frekuente na India. E pais aki tin preferensia pa nasementu di yunan hòmber i esaki nan ta debí ku esaki ta heredá propiedat i ta kuida di su mayornan una bes esaki nan bira grandi. Den kaso di yunan muhé, e mayornan tin di paga un suma di plaka basta grandi na famianan di e kasá.