Dos hóben detené pa atrako brutal riba Coop

878
banda di hóbennan responsabel di atrako violento
RIDDERKERK—Polis a detené dos hóben relashoná ku un atrako violento riba e supermerkado Coop di djasabra último.

Den e atrako un manager a keda gravemente heridá. El a keda algun dia den koma. E hóbennan di 15 i 16 aña di Ridderkerk a keda detené ayera. Anteriormente polis a bisa ku ta buskando un sospechoso. E atrako di djasabra a tuma lugá na e establesimentu di Coop na Vlietplein. Tabata kasi ora di sera i hopi druk. E manager a keda asina grave heridá ku mester a mantené den koma algun dia. Entretantu el a lanta i ta stabil. Segun polis e hóbennan ta forma parti di un banda kriminal ku ta kulpabel di maltratonan, robo i atrakonan. E siman aki mes polis a detené 6 otro persona ku ta forma parti di e banda. Ta trata di hóbennan entre edatnan 14 pa 17 aña. E atrakadó a eksihí plaka segun un kahera. E manager a bin duna asistensia i a dal e sospechoso. Esaki a propina un hinka den su pechu.