EY ta ekspandé den Caribe Hulandes

269
Zeelandia– Despues di un kresementu signifikante den e delaster aña nan, EY ta posishoná pa sigui reforsá su kapasidat i rekursonan den Caribe Hulandes. EY a firma un areglo kondishonal pa tuma un parti signifikante over di loke tabata KPMG Accountants i KPMG Advisory den Caribe Hulandes.(awor yama KDC Interim).

Un ekipo di mas o ménos 50 persona di KDC Interim lo djòin e ekipo di EY na Aruba i Kòrsou. Banda di esei EY a habri kantor na Surnam i tambe fin di desèmber Sr. Fong-Mang Cheong, ex partner i voorzitter di Meijburg & Co Caribbean a djòin EY Tax den Caribe Hulandes.E lider di KDC Interim, Raymond Begina, i EY Dutch Caribbean Country Managing Partner, Bryan Irausquin, i EY Caribbean Assurance Managing Partner, Erick Statius van Eps, a traha masha duru pa move e oportunidat aki dilanti i ta masha kontentu ku e oportunidat aki.

“E ekipo di KDC Interim ta hopi kontentu ku nan a djòin EY na Aruba i Kòrsou,” asina Raymond Begina a bisa. “EY tin un kultura hopi fuerte di kalidat i di ta bon pa su hende nan, ku ta pa pas bon pa profeshonal nan yòn i ambisioso i pa nan futuro karera. Huntu ku esei nos ta mira un sinergia grandi pa duna merkado karibense servisio ku lo ta un benefisio sin duda pa nos klientenan.”

Bryan Irausquin, a bisa: “EY kontinuamente ta buska oportunidat nan pa krese nos negoshi i legado na interes di nos hende, kliente i komunidat nan. E kompania ku tabata KPMG Dutch Caribbean tabata un di e kompetidor nan di mas respetá i fuerte den e merkado di Caribe Hulandes pa hopi aña. Ku humildat i na mes momentu ku orguyo nos ta tuma nota ku un grupo grandi di e profeshonal nan aki a disidí di djòin nos ekipo. EY tin un kultura ku focus grandi riba nos hende nan i di kalidat haltu i durante aña nan nos a bin ta kresiendo teniendo nos mes na nos balornan fundamental. Tòg nan ta sigui siña i krese tur dia pa nos sigui mehorá komo hende, profeshonal i organisashon. Nos ta yama e profeshonalnan di KDC Interim bon bini ku brasa habri i nos ta sigur ku nos lo siñá hopi di otro tanten nos ta sigui dilanti.”

Erick Statius van Eps ta entusiasmá ku e perspektiva di por bai sera e dil i a sigui bisa: “Nos ta hopi orguyoso di por yama bon bini na mas ku 50 profeshonal di KDC Interim for di 1 di mart 2019 benidero. E profeshonalnan yòn aki, tur tin un hunga un papel visibel i importante serka kliente nan i tin un kompromiso fuerte ku kalidat. Banda di esei e ehekutivo nan tin hopi eksperensha pushando inovashon ku un fuerte kompromiso ku kalidat. Un kos ku nos tin komun ta ku nos tur dos a nabegá dor di desafio nan kompleho i a demonstrá ku nos ta kla pa komprometé i kabesa e era di transformashon. Nos tin un oportunidat úniko dilanti nos pa krese nos posishon den Caribe Hulandes i duna servisio eksepshonal na e kliente nan. Digital ta transformando e eksperensha pa nos kliente i ekipo nan, dunando nos profeshonal nan mas data pa yega na un desishon mihó. Nos ta kreando relashon nan fuerte ku nos kliente nan kompartiendo perspektiva nan di Cyber, data, kambio di kontabilidat i otro kuestion nan importante. Sin duda, ku e profeshonal nan ku a djòin nos ekipo lo yuda pa diskubrí idea nan nobo i lo impulsa nos pa sigui bira mihó.”