Manifestashon masal pa fris edat di penshun

162
preparashonnan pa un akshon den tur sektor
AMSTERDAM—Djaluna 18 mart ta preparando un dia di akshon masal pa un mihó akuerdo riba penshun.

Sindikatonan FNV, CNV i VCP kier pone preshon asina pa fris e edat di penshun di behes AOW, indeksashon di penshunnan i ampliashon di posibilidatnan di penshun pa esnan ku negoshi propio. Fin di November e negosashonnan riba penshun a pega. Edat di penshun tabata un dje problemanan mas grandi. E negosashonnan no a pega pornada. Mientras gabinete no bini ku plaka i desishonnan konkreto, e akshonnan lo oumentá segun negoshadó Elzinga di FNV. E dia di akshon ta dirigí riba diferente sektor i kompanianan den henter pais. No ta konosí kiko ta bai pasa. E mobilisashon lo start e siguiente simannan, ku algun shen enkuentro den kompanianan i sedenan di sindikato, bou di kua un preparashon di akshon na Utrecht di sindikatonan FNV i VCP dia 2 februari.