Pipa di awa kibra formando molèster pa habitantenan den Buena Vista

104
Buena Vista- Un situashon ku ta kousando molèster pa habitantenan den área di Buena Vista ta ku trahadónan ku ta trahando riba un kas den Gonaweg mester a kibra un pipa di awa.

E situashon aki ta kousando molèster di hopi awa den e bisindario kaminda ku e awa aki ta kore di Gonaweg subi Hispañolaweg pasa Cubaweg i keda para den Tobagoweg. Esaki sigur ta stroba esnan ku ta trafiká na pia den e área. Bastante awa ta bayendo pèrdí. Te na e momentunan aki no a avisá e instansha konserní pa por remediá e situashon aki.