Promé minister: No ta rekonosé Juan Guiado komo presidente pero si ta rekonosé e asamblea

403
Willemstad,–  Promé minister Eugene Rhuggenaath a bisa ayera durante rueda di prensa ku e no ta rekonosé Juan Guaido komo presidente di Venezuela, pero si e ta rekonosé e instituto asamblea general ku a keda skohe demokrátikamente. E ta bisa ku tin diferente temanan di interes komun ku mester keda atendé kuné, pues mirando e interesnan ku ta pasa mas tantu, den práktika bo mester sigui atendé ku otro komo pais.

Tambe promé minister a bisa ku apesar ku no ta rekonosé elekshon na mei 2018 i ku pa e motibu ei, no tabata presente na e instalashon di Maduro komo presidente, nos ta sigui ku relashon ku Venezuela i naturalmente nos interesnan komun manera entre otro  PDVSA. Rhuggenaath a splika ku Kòrsou ta sigui den kontakto ku nan.  E ta bisa si, ku su posishon pa ku presidente Maduro ta lòs for di nos relashonnan ku PDVS.

Pues naturalmente pa lokal ta Venezuela gobièrnu lo sigui e moveshonnan djaserka i sperando ku pronto lo tin klaridat i ku pronto e pueblo venesolano lo tin un solushon ku ta kondusí na trankilidat i prosperidat i naturalmente esaki ta importante tambe pa region i pa Kòrsou. Promé minister ta konfirmá ku komo gobièrnu nan ta siguiendo e desaroyonan djaserka i kaminda tin ku duna informashon lo hasi esaki. Rhuggenaath ta bisa ku Hulanda ta bai yuda pa ku e asuntu di emigrantenan venesolano.