Sifra di mortonan mei mei protesta ta oumentá i alkansá 26 na Venezuela

121
E sifra aki lo por oumentá mirando ku ainda e situashon ta tenso na Venezuela.

CARACAS – E Organisashon di gubernamental Opservatorio Venezolano di Conflictividad Social a informá den oranan di ayera, ku e sifra total di mortonan den protesta antigubernamentalnan a alkansá 26.

Tabata den oranan di ayera mèrdia ku a informá di e kantidat aki, kua nan a pèrdè nan bida den protestanan. E balanse aki ta inkluí solamente víktimanan ku identifikashon ku a keda konfirmá, segun un mensahe huntu ku esaki.

Un fuente a indiká na medionan di komunikashon, ku den e último tres anochinan, a registrá 180 manifestashonnan, kasi tur den e zonanan pober di e pais i algun di kua a provoká echonan violento. Esaki nan tur sin ku ainda outoridatnan a konfirmá niun balanse di daño òf víktimanan.

Di total di víktimanan mortal, dos a keda registrá den e estado Amazonas, sinku na Bolivar, shete na Caracas, tres na Portuguesa, tres na Barinas, tres na Tachira, dos na Monagas i unu na Yaracuy.

Di su banda, ONG, kende ta liberá defensa di esnan konsiderá prezunan polítiko di e pais, a indiká ku un total di detenshonnan registrá entre djaluna i djárason, tabata un total di 328 rònt e pais.

E protestanan na sentro di Caracas, asiento di e podernan públiko di Venezuela, a intensifiká den oranan di djaluna. Esaki na momentu ku vários miembronan di Wardia Nashonal Bolivariano, a revelá kontra e presidente, Nicolas Maduro.

Riba e mesun dia aki a registrá vários manifestashonnan ku ta reklamá e fin di krísis, den algun kaso, pa pone fin na e loke ku segun opositornan, Maduro ta hasi ku presidensia venezolano.

E manifestashonnan ta tuma lugá pa asina deskonosé e mandato nobo di seis aña ku a keda hurá dos siman pasá pa Nicolas Maduro. Esaki despues ku el a gana elekshonnan di forma froudulento.