12 aña kastigu pa asesinato eks

173
polis no a hasi nada ku denunsianan i finalmente esaki a resultá den morto di Linda
WAALWIJK—John F, ku a asesiná su eks Linda v/d Giesen despues ku el a menasa e dama pa un tempu, a keda kondena na 12 aña kastigu den apelashon.

Mas aleu e mester keda someté na tratamentu sikiatriko obligatorio. Esaki ta dos aña mas ku loke el a haña den korte den prome instansia. Linda van der Giesen (28) a keda asesiná den 2015 pa su eks riba parkeo di hospital na Waalwijk kaminda e tabata traha. E asesinato a haña hopi atenshon den medionan di komunikashon i den komunidat. Esaki pasobra polis tabata na altura di e konfliktonan entre e pareha i tabata sa ku John F a kumpra un arma. Outoridatnan polisial no a hasi nada ku e denunsia di menasa i molester di e dama kontra e sospechoso i kuerpo polisial a keda kuestioná despues di e asesinato.