4 sospechoso detené pa benta di arma online

77
den entradanan a haña armanan, munishon i droga
AMSTERDAM—E siman aki polis a detené 4 persona relashoná ku benta online di armanan di kandela, segun bosero.

Dos sospechoso a keda detené den Amsterdam, e dos otronan den Den Helder i den Oisterwijk na Noord-Brabant. Agentenan a tene entrada hudisial den diferente kas. Den kasnan di e kuater sospechosonan, ku ta varia entre 21 pa 29 aña, a haña entre otro armanan, munishon i droga. Polis a haña pista di e kuarteto despues ku nan a ofresé armanan di kandela riba internet. Polis no a duna informashon ki tipo di armanan ni unda tabata bende.