Parlamentario Elsa Rozendal ta splika e diferensia entre un kamara di presupuesto i CFT.
Willemstad,– Parlamentario Elsa Rozendal ta bisa ku pa algun aña kaba ta papiando pa Kòrsou tin su propio Kamara di Presupuesto (Begrotingskamer) pa remplasá CFT. E siman aki Parlamento a trata e konsepto di lei Kamara di Presupuesto. Parlamento a hasi pregunta na Gobièrnu tokante e konsepto di lei promé ku a aprob’é.

E dos diferensianan mas prinsipal entre supervishon di CFT i e ‘Begrotingskamer’
( Kamara di Presupuesto) ta:
– Begrotingskamer lo no wak solamente sifranan, manera ta e kaso aktualmente ku CFT, sino e ta wak maneho tambe i ta hasi evaluashon di e maneho mará na e presupuesto.
– Si Gobièrnu no sigui konseho di CFT, CFT ta raportá na Konseho di Minister di Reino i nan por rekomendá un “Aanwijzing”.

E parlamentario ta bisa ku e Begrotingskamer, si Gobièrnu no sigui su konseho, e no ta haña un “aanwijzing” sino e mester bini Parlamento pa haña aprobashon ku dos tersera parti (2/3) pa desviá for di e konseho. Sin e aprobashon aki e no por desviá for di e konseho.