Vehíkulo a keda ku basta daño material na e parti padilanti.
Willemstad— Ayera un shofùr ku tabata manehá un vehíkulo a sali hopi di bon for di un aksidente ora ku e vehíkulo ku tabata manehá a bai kai den un pida abismo.

Ayera den oranan di atardi nèt riba e kaminda di Kas Chikí den aria di Wishi a tuma lugá un aksidente. Einan un vehíkulo pa un motibu deskonosí a baha for di kaminda bai resultá den e pida abismo. No tabatin daño personal pero si basta daño material. Kousa di e aksidente ta den investigashon.