Promé minister di Aruba Evelyn Wever Croes no a tuma posishon pa Aruba, alegando ku esei ta asuntu di reino i no di pais.
Willemstad,–  Na Aruba nan no a tuma un posishon di ku si nan ta respetá e presidente di Asamblea general señor Guaido komo presidente i tampoko ku nan lo no respet’é. Aruba no a hasi manera Kòrsou i bai tras di desishon di Hulanda.

Promé minister di Aruba a bisa ku Aruba riba su mes no por deklará si ta sostené e presidente interino apuntá Guaido, pasobra e ta keda un tema di Reino Hulandes. Hulanda te ku djaweps mainta no a informá ki posishon nan ta tuma riba e tema, esta ku Hulanda no a disidí ainda si ta rekonosé e presidente apuntá Guaido. Unabes ku nan disidí, Aruba lo tin ku wak con esaki ta afektá e islanan. Por pensa riba represaya kontra nos islanan si e notisia ta ‘negativo’. Hulanda ta riba e mesun posishon ku Union Europeo, ku te awor a rekonosé Guaido komo presidente di Parlamento Venezolano, i e legitimidat di e órgano ei, Pero ainda no a bisa si nan ta rekonosé Guiado komo e presidente legítimo.

Ta bon pa Kòrsou tambe tene kuenta esaki, esta ku e ta un asuntu di reino Huolandes.