E aeropuerto Internashonal di Maiquetia aya na Caracas ta habri normal i buelonan pa i for di Kòrsou ta yega i sali normal.
Willemstad,– Aktualmente rin rumornan ta sirkulá tur kaminda ku e  Aeropuerto Internashonal di Maiquetía (Caracas) ta será na e momentunan aki. Pero esaki no ta kuadra ku bèrdat, mirando ku tur vuelo pa i for di e Aeropuerto Internashonal di Maiquetía (Caracas) ta saliendo normal segun skema.

E aeroliñanan aki a saka un komunikado pa bisa ku nan operashonnan ta sigui normal. Pues pa esnan ku ta deseá pa bai Venezuela, vuelonan ta sigui normal, ounke si den mesun rosea mester bisa ku gobièrnu di Kòrsou tambe a saka un komunikado pa bisa tur hende ku no tin ku biaha ku urgensia pa Venezuela pa no hasi esaki, mirando ku e situashon na tenso na e pais bisiña i tin hopi violensha.