Diplomátikonan estadounidense a kuminsá bandoná Venezuela

33
Gobièrnu di Trump a indiká na vários okashon ku nan no ta rekonosé e gobièrnu di Maduro.

CARACAS – Funshonarionan di Estádos Unídos a indiká ku vários diplomátikonan estadounidense ta dirigí nan mes pa aeropuerto pa di e forma aki sali for di Venezuela.

Estádos Unídos a indiká na Maduro, pa e entregá presidensia na Guaidó i pa konvoká elekshonnan presidensial nobo.

Maduro, na kende militarnan a indiká un biaha mas ku nan ta respaldá, ta sostené ku el a keda elegí den un proseso ku a kana kompletamente limpi i di un forma demokrátiko.

Algun ora promé, e mandatario sosialista a anunsiá e desishon di sera su embahada i konsuladonan na Estádos Unídos i di regresá su personal diplomátiko pa mas tardá den oranan di awe. E tenshonnan polítiko ku su opositornan lokal i Washington ta sigui krese miéntras ku e violensia, ku ya a provoká 21 morto den último oranan, ta sigui krese.

Washington a señalá ku nan no ta rekonosé outoridat di Maduro i ku esaki no tin outoridat legal pa por kibra relashonnan diplomátiko ku nan, pa kua e gobernante venezolano a afirmá ku ta trata aki di un reakshon sumamente infantil.