Maduro ta pidi 20 aña di prizòn pa manifestantenan violento na Venezuela

46
Situashon basta agresivo ta loke ta keda registrá últimamente.

CARACAS – E presidente di Venezuela, Nicolas Maduro, a pidi den oranan di ayera, un total di 20 aña di prizòn pa manifestantenan ku ta hasi aktonan di vandalismo i a sigurá ku oposishon ta tras di e violensia ku a kuminsá e siman tras di lomba aki. Esaki mei mei di e protestanan antigubernamental .

Maduro a indiká, ku e personalmente a pidi fiskal general, Tarek William Saab, pa asina apliká e kondena máksimo di 20 aña di prizòn pa tur esnan ku e kapturá riba kaya kimando, atrakando òf hasiendo aktonan di vandalismo.

Organisashonnan no gubernamental a sigurá ku e protestanan di e siman aki, ku a tuma lugá spesialmente den zonanan pober di e pais i kasi semper den oranan di anochi, a laga saldo di 26 morto. Ademas tin tambe vários herido i kasi 400 persona ku a keda detené.

Segun outoridatnan a indiká, riba e anochi di 23 último, tabatin aktonan di vandalismo, grupo di atrakadónan ku a keda pagá i ku ta okashonando un gòlpi di Estado na Venezuela.

E lider chavista a sigui indiká ku mei mei di e protestanan aki, un hòmber a keda kimá na bida na un punto unda u grupo di asaltante di oposishon tabata grita i a saka e hòmber for di su vehíkulo i pega ámbos na kandela.