Anthony Davis a pidi Pelicans pa kambi’é i tin vários ekipo ku interes

99
Fot david: Anthony Davis (R) a solisitá na New Orleans Pelicans pa nan transferié pa un otro ekipo ku realmente tin un posibilidat pa ganá e kampeonato di NBA.

NEW ORLEANS,  – Anthony Davis kende a partisipá  sinku biaha den All-Star, a solisitá na New Orleans  Pelicans pa nan transferié pa un otro ekipo  ku realmente tin un posibilidat pa ganá e kampeonato di NBA, asina e representante dje hungadó Rich Paul a duna di konosé djaluna. .

E notisia ku a keda publiká djaluna mainta na unda a bini  dilanti ku Davis ke kambia di ekipo, a lanta basta stof rondó di NBA. Ta trata di un solisitut ku ta bai kousa un revolushon den hinter e  liga, esaki debí ku mayoria di ekipo lo bai trata di harma un pakete atraktivo pa sedusí  Pelicans pa asina haña Davis.

Davis ta aktualmente ta den su mihó temporada di su karera, promediando 29,3 punto i 13,3 rebound pa partido.

Ta kasi sigur ku e lo bai keda eligí pa di seis biaha pa e Wega di Tur Strea e siman aki ora ku NBA  anunsiá e plantelnan kompletu pa  loke ta e enkuentro amistoso di e aña aki, porsierto ku mester bai tuma lugá 17 di febrüari próksimo na Charlotte.

Lebron na final di 2018   mustra su parti positivo pa kontratá Davis den 2019.

E ekipo di Los Lakers lo ke mantené  su hungadónan hóben den plantel, sigur si mira ku nan tin mentor manera LeBron James pa nan desaroyá di un forma mas efikas nan aktuashonnan durante nan trayektoria,  sinembargo e hubentut porta den posibel pa un kambio pa e power forward, Anthony Davis.

Hasiendo  referensia na e reflekshon di Adrian Wojnarowski (ESPN), e  idea dje ekipo di  Lakers ta di krea un gran hubentut di hungadónan pa keda kombertí  den un bon oferta pa un posibel negosashon ku  Pelicans i asina atkerí Davis.

“Esaki ta e direkshon ku ta bai sigui: nan [ Lakers] no ta bai sakrifiká nan  picks nan  ni interkambiá su mihó hungadónan pa algun akuerdo pa asina laganan mehorá e temporada aki.

Lakers ke mantené tur kos aktivo pa asina logra atkerí Anthony Davis. Esaki lo seya pa yega na un gran akuerdo den próksimo zomer òf despues di un agensia liber”, asina Woj yama kariñosamente a duna di konosé.