Damita (15) ta keda heridá den insidente Barsingerhorn

68
di kuater insidente similar den mesun provinsia
BARSINGERHORN—Den norte di Hulanda na Barsingerhorn un damita di 15 aña a keda heridá ku kuchú pa un sospechoso pasando den un outo.

E outo a sigui kore bai despues. E damita tabata koriendo riba su baiskel alrededor di 19:30 riba Heerenweg na Barsingerhorn ora un outo biniendo di direkshon kontralí tabata pasando. Na momento ku e outomobilista a yega banda di e damita el a hinka esaki na sub rasa ku n opheto skèrpí ku a pone ku e damita a kai for di su baiskel. Despues di e insidente e damita mes a logra lanta subi su baiskel kore bai kas. E outomobilista a sigui kore. Ta e di kuater insidente ku hinkamentu den norte di Hulanda den korto tempu. Fin di aña pasa tres dama a keda heridá pa un outomobilista na Egmond Hoef i Castricum. Te ainda no a haña e sospechoso. Polis ta investigando si tin un relashon entre e insidente aki i e tres otronan den e provinsia. E damita a haña tratamentu. Polis ta buskando testigunan.