Eksploshon ta derumbá edifisio den Den Haag; dos herido

79
ainda outoridatnan ta buskando hende bou di e ruina
DEN HAAG—Na Den Haag un edifisio di tres piso a derumbá parsialmente debí na un eksploshon, ku saldo preliminar di dos herido.

Polis ta sali for di punto di bista ku ta trata di un eksploshon di gas ku a tuma lugá djis despues di 16:00. A saka dos herido for di e edifsio. No tin informashon di nan kondishon. Nan a keda transportá ku ambulans. Brantwer ta tene kuenta ku tin mas hende bou di e ruina. A pidi informashon di registro pa kalkulá kuantu hende tabata biba den e edifisio. E operashon di reskate ta difisil pasobra e edifisio ta den mal estado pues instabil. Habitantenan di e edifisio di apartamento ta keda akomodá den sentro di bario mientras a sera e kaya. Servisionan di emergensia a sali maslamente pa e edifisio den Jan Heijdenstraat den bario di Laakkwartier. Tin ambulansnan, helikopternan di polis i trauma. Team spesialisá den búskeda den ruina a yega Den Haag. Tambe tin kachonan spesial na e sitio. E parti dilanti di e edifisio a kibra kompleto dor di e eksploshon mientras kasnan serka tambe a haña daño. Bisiñanan ta reakshonando den shòk riba medianan sosial. Un bisiña a bisa ku tin algun dia kaba ku a sinti holó di gas den e edifsio. A hasi melding pero nada no a sosode.