Evakuashon hotel Wings serka airport Rotterdam pa ‘bommelding’

44
bishitantenan a keda tapá ku foli pa friu
ROTTERDAM—Un hotel serka di airport The Hague na Rotterdam a keda evakuá pa algun ora debí na un ‘bommelding.’

Den e hotel Wings tabatin un show di moda di Black Fashion Week ora e melding a drenta. E huespetnan di hotel i bishitantenan di e show a keda trasladá pa un edifisio di marechausse i tambe un hotel den serkania. Marechaussee a papia di un menasa real. Segun un bishitante di e show e presentado a bisa despues di un ora ku tur hende mester sali for di e edifisio. Djis despues a zona e alarma di kandela. Pafo di e difisio a yega marechausse i funshonarionan di EOD, servisio di desmantelashon di eksplosivonan. Tur e 250 personanan mester a warda un ora i mei pafó prome drenta e edifisio. A bini tambe ku kachonan pa inspekshoná rondo di e hotel. Alrededor di 21:15 marechaussee a termina e investigashon.