Giordano Van Aanholt no ta forma parti mas di Dolce Banda

215
E no ta forma parti mas di Dolce Banda.

WILLEMSTAD,—-Ayera parti mèrdia ‘E Mulina’, a haña informashon ku e hóben músiko basista Giordano Van Aanholt no ta forma parti mas di Dolce Banda.

E informashon aki a kue nos kompletamente for di base, paso Giordano ta un músiko ku tin e agrupashon musikal Dolce Banda pega duru na su Kurason. Manera ku e informashon aki a yega serka nos, nos a hasi nos kontakto nan pa asina nos yega mas serka di e posibel problema ku a pone ku Giordano a tuma e desishon pa bandoná Dolce Banda. Di informashon ku nos ta disponé di dje ta bisa ku, tin un mal Komprendementu entre lider i gerente di Dolce Banda i e hóben músiko basista Giordano.

Esaki pone ku kisas ámbos persona a tuma nan desishon muchu trempan, i tur kos ta indiká ku ámbos su desishon ta basa riba unu kompletamente emoshonal. Na nos konosementu Clipo i Giordano tin ku bai mesa ku otro, i asina por habri e kaminda pa nan yega na otro.

Mester bisa ku ya pa algun siman tin rumor nan den kaya ku algun músiko di Dolce Banda lo bandoná e banda i asina bai lanta un banda nobo, pero esaki ta rumor nan ku ta biba nan bida den kaya, tambe nos a komprendé ku e rumor nan aki a yega na konosementu di Clipo tambe, pues tur kos ta mustra ku kisas esaki nan ta loke ku a pone ku Clipo tambe di su banda lo a kuminsá na traha riba su plan B. Loke si ku nos por bisa ta ku Giordano semper a demostrá un músiko ku ta stima e formashon musikal Dolce Banda.