Ike Jesurun e sorpresa den festival di Tumba 2019

397
E sorpresa di 2019 den Festival di Tumba.
WILLEMSTAD,—-No tin duda ku Ike Jesurun ta e sorpresa den Festival di Tumba 2019. T’asina ku ningun pero ningun hende no a spera ku e tres biaha ganadó di Festival di Tumba ku ta Ike Jesurun, por a drenta den e lugá ayera i asina inskribí su mes komo kantante kompositor.

Mas álue ainda e kantante ta bai keda kompaña pa agrupashon musikal di Aruba ku ta Buleria, tur hende a keda boka habri na momentu ku esaki a bira konosí ayera tardi banda di mitar di seis di atardi. ‘E Mulina’, tambe a den boka habri, paso na ningun momentu so, nos no a pensa esaki.

Apesar ku nos tabatin hopi kontakto ku Ike Jesurun durante siman pasa tras di lomba. Pero bon esaki nan tambe ta forma parti di e trabou ku nos a bin ta hasi ya pa seis aña kaba den nos farándula lokal. Nos ta hopi kontentu ku Ike ta bèk komo kantante.

Na aña 2014 Ike a keda korona pa último bes komo Rei di Tumba di Kòrsou. Esaki ta nifiká ku e kantante kompositor i areglista ta bèk, ku su mes un komposishon pero e areglo di su Tumba ta den man di Dwight Leoneta. Pues awor nos tur ta bai sinta ku wowo nan di falki pa mira Ike su presentashon ku ta dia 6 di febrüari komo e último agrupashon musikal ku ta presentá riba e dia menshoná.