Kantante yu di Kòrsou Nina Molina ku piesa nobo riba merkado

217
Su piesa nobo ta zona bon.

WILLEMSTAD,—-E kantante yu di Kòrsou ku ta biba na Hulanda Nina Molina a kaba di pone un piesa nobo riba merkado. Ta trata aki di e komposishon “Sea Ami òf E”. E piesa nobo di Nina ta su propio komposishon.

T’asina ku Nina su piesa nobo ta den género di Salsa. Nos tin ku bisa ku djamars tras di lomba Nina Molina, a presentá su piesa nobo den un programa di farándula na Radio Active 104.5 FM. Nos tin ku bisa ku e piesa nobo di Nina a hala bastante atenshon durante di su entrevista na e Radio ariba menshoná.

Tambe nos tin ku bisa ku na e momentu nan aki Nina Molina ta na Kòrsou ku fakansi. Pa asina e disfrutá di nos dushi Kòrsou. Mas aleu durante di Nina su entrevista e la bisa ku pa e aña aki mes e lo bai drenta studio di grabashon pa ku su CD nobo.