Mi ta ku Orkesta Vega te dia ku e no ta eksistí mas

362
Mi ta keda ku Orkesta Vega te dia ku e banda no ta eksistí mas.
WELLEMSTAD,—-For di dia ku e tim di Vigilante Farándula a gara Rasta Le den kompaña di su ruman GibibDoran i Chulo Brunken, ta masha hopi rumor i spekulashon a drenta den kaya. Mas ainda na momentu ku a bira konosí via di Korant Vigilante mes ku Rasta Le ta bai partisipá den Festival di Tumba ku agrupashon musikal ICONS BY GIO.

Tur e kos nan aki a lanta asina tantu papiamentu den kaya ku Rasta Le ta bai bandoná Orkesta Vega i asina pasa forma parti di ICONS BY GIO. ‘E Mulina’, a drenta den kontakto ku Rasta Le i nos a puntr’é kiko tin di bèrdat ku den un futuro serkano bo ta pasa pa e banda ICONS, e la kontesta nos lo siguiente “Lagami kuminsa asina aki, mi ku mi ruman Gibi tabatin algun tempu ku nos no tabata papia ku otro, Chulo Brunken a perkurá pa nos dos pone tur diferensia un banda i sera pas ku otro, i esaki ta algun ku mester a pasa, paso na final di dia Gibi ta mi ruman grandi, den mes un rosea mi ta bisa ku dor ku a bira konosí den kaya ku e banda ku mi ta forma parti di dje ku ta Orkesta Vega no ta bai partisipá e aña aki den festival di Tumba esaki a pone ku Gibi a puntrami ku si mi no ta enteresa pa bai partisipá ku su komposishon i ku e banda ICONS BY GIO, ami di mi parti ku si tin e interes pa bai Tumba i mirando ku mi banda mes no ta bai, a tuma e desishon pa aseptá e oferta di Gibi. Mas aleu mi ke bisa ku, mi ta keda forma parti di Orkesta Vega te dia ku e banda no ta eksistí mas”.

Esaki ta nifiká ku palabra no mester ta hopi, pues hinter temporada di Karnaval Rasta Le ta ku agrupashon musikal Orkesta Vega. Pues tur fanátiko di tantu Rasta Le i agrupashon ,musikal Orkesta Vega, por keda trankil, paso Rasta Le ta ku Vega te na fin di mundu.