MLB a rekomendá su peloteronan pa no biaha pa Venezuela

199
Rob Manfred a rekomendá e personal di e 30 ekiponan di Liga Grandi i esnan di liga menor, pa apstené di biaha pa Venezuela na e momentunan aki.
Willemstad,– Panamá a organisá tres edishon di Seri di Karibe (1952, 1956 i 1960), ku den su promé etapa (1949-60) tabata ser hunga entre e kampionnan di Cuba, Panamá, Puerto Rico i Venezuela. Mexico i Repúblika Dominikana a drenta komo sustituto di Cuba i Panamá na 1970, ora ku nan a kuminsá ku e asina yamá di dos etapa di e kampionato.

Miéntras Cuba a regresá Seri di Karibe komo invitado spesial for di 2014, Panamá a keda aprobá e mesun aña pa nan a regresá den e edishon di 2020.E kambio di sede, ku a keda adelantá djaweps pa ESPN, ta debí na e krísis polítiko fuerte ku ta tumando lugá na Venezuela for di djarason,. Ora ku a kuminsá un ola di protesta kontra e régimen di Nicolas Maduro i e lider prinsipal di oposishon, Juan Guaido, a proklamá su mes komo presidente interino di e nashonal di mas di 30 mion habitante.

Maduro ta akusá Merka di ta promové protestanan i el a anunsiá di kibra relashonnan diplomátiko entre e dos paisnan, kual a proboká ku e komishonado di beisbòl Liga Grandi (MLB), Rob Manfred a rekomendá e personal di e 30 ekiponan di Liga Grandi i esnan di liga menor, pa apstené di biaha pa Venezuela na e momentunan aki.

“E ofisina di komishonado ta buskando aktivamente asesoramentu tokante di e implikashonnan polítiko, legal i seguridat di e situashon ku ainda ta den desaroyo”.Mientrastantu, nos ta konsehá e persona di e ekiponan pa nan no biaha pa Venezuela”, asina John Blundell, un di e bosero nan di Liga Grandi a bisa.

Tabata te djadumingu numa ku e Konfederashon di Karibe a anunsiá ofisialmente ku ta kanselá e evento na Venezuela i e motibunan pa kual nan a tuma e desishon.Di akuèrdo ku CBPC, d rasonnan prinsipal tabata ku: “Venezuela ta bibando un situashon kaminda tin sirkunstansianan ku kos por Sali for di kontròl òf influensha tantu e liga lokal komo e komité organisadó si nan kibra relashon ku Merka. Esaki lo representá un situashon imposibel pa optené materialnan di Visa pa drenta Venezuela pa e siudadanonan merikano ku ta forma parti di mayoria di e ekiponan eventualmente partisipantenan i e rekomendashon ku MLB a hasi na su peloteronan”.