Neymar lo por tin ku drenta kamber di operashon

84
Fot ney: Neymar jr. tristu pa loke ta pasando kuné. Tin rumor ku e por tin ku operá di nobo na mesun dede pia ku ya a tene for di kancha aña tres luna.
 

 

PARIS,  – Na Fransia ta oumentá e prekupashon pa estado aktual di Neymar. Segun informashon ayera publiká pa Le Parisien e brasileño tin mesun dede di pia fraktura di kua e la operá aña pasá kaba.

Den kaso esaki ta asina e delantero di  PSG lo mester bolbe drenta kamber di operashon pa operá, miéntras huntu ku esaki mester bini e proseso pa rekuperá.  

Te awor e promé eksamennan ta konfirmá un “reaktivashon doloroso” dje leshon ku a aparte for di tereno temporada pasá, anto ainda sin konta ku ta kontemplá e opshonnan terapéutiko”,  di kua ta inkluí e posibilidat di operá tambe.

Sinembargo e último pruebanan médiko realisá riba Neymar ta konfirmá ku e kosnan no ta masha bon ku e pia dje hungadó.  Ta parse ku e  brasileño lo tin su dede chikí di pia reks kibra, lokual ta meskos ku a pas’é na  en 2018 ku a impedie di hunga sigur tres luna.

Pará dilanti di tal situashon e ekipo di PSG ta evaluá segun protokolo establesé si e futbolista lo mester pa kamber di operashon si òf no.  Den kaso e operá, Neymar, lo por pèrdè futbòl te na fin di aprel i kuminsamentu di  mei,  faltando pa konfirmá ainda e pronóstiko i tempu di rekuperashon.

Ney  a leshoná den e partido di Kopa Fransia kontra di  Strasburg. Debí na su habilidatnan i konstant  malabarismo (skeins) ku e sa hasi i ku no ta keda gusta nada pa su rivalnan, ta pone ku e sa risibí hopi krítika.

Algun dia atras nan a entrevista mediokampista Anthony Gonçalves dje ekipo di Strasburg, na unda e último aki  a papia  dje  provokashonnan di Neymar riba tereno.

“Ta su  estilo … Pero ora bo ke hunga asina bo no mester keha ora bo haña sla. Nos no ta akinan pa hende dibertí ku nos. Nos no ta pòpchi.   E ke dibertí? Oké ta bon pero nos ta respondé ku nos armanan. Nos no ta bai keda ridíkulo”.

 

Biniendo bek riba e leshon, mester apuntá ku e  brasileño lo bolbe pèrdè oktavo final ( aña pasa solamente e por hunga e partido di Ida) i  probablemente tambe e kuartfinal den kaso su ekipo pasá e siguiente rònt kontra Manchester United,  porsierto partidonan programa den aprel próksimo.