Drecha: minister Camelia Romer mester laga investigá kiko realmente a sosodé ku a sera telefon den orea di un pashènt den nesesidat di tratamentu médiko.
Otrobanda—Un hòmber kende su señora ta na estado, a risibí mal trato na poliklínika. Esaki a tuma lugá algun dia pasa despues ku e hòmber en kestion su esposo a kuminsá bira hopi malu i no por a lokalisá un dòkter na warda.

Segun su deklarashon na Vigilante, na dado momento su señora na estado a kuminsá sinti su kurpa hopi malu. Mesora nan a yama dòkter na warda riba 8683035 sin logra lokalisá niun dòkter. Den su desesperashon pa asistensha médiko e hòmber a opta pa yama poliklínika, unda a splika su situashon. Na poliklínika, nan ta bolbe bis’é pa e yama su dòkter na kas unda e hòmber a splika nan ku esei e la hasi hopi biaha kaba sin resultado. Despues di un ratu di splika e la bisa esun na telefon pa “bosnan ban serio por fabor”, nan a kontest’é, “abo ban serio i dal e telefon sera”.

Lista: lista di yamada di e hòmber kende tabata buskando ayudo pa su señora. Konfirmá ta e yama nan na poliklínika.