Polis hasiendo investigashon serka e víktima.
Willemstad—Polis ta investigando un kaso di atrako ku a tuma lugá riba e propietario di Awa di playa na Piscadera unda a bai ku henter e benta di dia.

Djasabra den oranan di atardi nèt na momento ku e propietario di Awa di Playa na Piscadera a kaba di sera su negoshi i tabata hasiendo e trámitenan huntu ku dos amigu mas pa bandoná e sitio e la wòrdu atraká. Un tipo ku arma di kandela den man mester a presentá unda e la menasa e propietario i a kita e tas den kual tabatin e benta di dia i a kore bai ku esaki. Polis ku a presentá a tuma e datonan pa asina por a buska den e besindario pero sin e resultado deseá. Tim di atrako a keda enkargá ku e investigashon.