Rich Pieter no a yega Festival Center pa inskribí su Tumba

459
E no ta den Festival di Tumba 2019.

WILLEMSTAD,—-For di aña pasa tabata konosí ku e kantante Rich Pieter lo ta bèk den Festival di Tumba, i asta nos tabatin informashon i konfirmashon ku e kantante ariba menshoná ta bai ku un komposishon di Oko Dap i ku e ta bai keda kompaña pa agrupashon musikal ERA.

Pero ayera na momentu u e lista a sali,nos a tuma nota ku nòmber di Rich Pieter no ta paresé riba e lista di inskripshon. Esaki a pone ku mes ora nos a drenta den kontakto ku Rich Pieter pero sin resultado deseá, mas aleu nos a drenta den kontakto ku Oko Dap pero e su telefon tabata zona paga.

Loke ku a hala nos atenshon nos a mira riba e lista ku e kantante Adjatay ta bai ku ERA i e ta bai ku un komposishon di Oko Dap. Pues kisas Rich lo a hala atras e aña aki, i esaki a pone ku Oko Dap a duna Adjaya su komposishon. Durante di e dia nan aki nos ta bai keda vigilá e moveshon aki ku wowo nan di falki.