UNICEF ta kondená violensia na Venezuela i ta pidi pa protehá menornan di edat

93
Guaidó kende a kuminsá pidi Nashonnan Uní yudansa pa e situashon na e pais.

CARACAS – E Fondo di Nashonnan Uní pa Infansia òf UNICEF a lamentá i kondená e pèrdida di bida ku a keda registrá durante e manifestashonnan di e último dianan na Venezuela, inkluyendo hóbennan i ta solidarisá ku nan famianan.

Esaki nan ademas ta ripití un petishon tantu na partisipantenan den manifestashonnan sosial komo forsa di òrdu públiko, pa evitá violensia i sigurá e protekshon di muchanan i hóbennan na tur lugá i momentu.

Den mesun rosea a hasi un yamada na tur e aktornan di Sekretario General di Nashonnan Uní, pa asina logra inisiá negosiashonnan polítiko inklusivo i kreibel dirigí na abordá e krísis ku e pais ta konfrontando.

Tur esaki miéntras ku e presidente di Parlamento i outoproklamá komo presidente di Venezuela, Juan Guaidó, a manda un karta den fin di siman pa e sekretario general di Nashonnan Uní, pa solisitá pa aktivá mekanismonan di apoyo pa konfrontá e krísis humanitario ku e pais ta pasando den dje.

Esaki a enfatisá ku tin mester e koperashon i tambe solidaridat internashonal di forma masivo i urgente. Esaki pa di e forma aki, segun el a indiká, por bringa e krísis ku e pais ta sufriendo i ku ta manifestá su mes den skarsedat di kuminda básiko i remedi.

Miéntras ku Guaidó ta warda riba un kontesta, na Venezuela ainda tin un tenshon polítiko ku a elevá for di momentu ku oposishon a disidí di outo reklamá e derechinan, debí na mal maneho i froude di Nicolas Maduro.

Guaidó a risibí gran respaldo di parti mayoria di e gobièrnu di Amérika, e Organisashon di Estadonan Merikano i e Union Oropeo. Esaki miéntras ku e gobièrnu di Maduro ta denunsiá un intento di gòlpi di estado i intervenshon ekstranhero den su pais.