7 aña kastigu pa sospechoso prinsipal robo diamante

133
despues di 14 aña kastigu pa robo mionario
SCHIPHOL—E sospechoso prinsipal ku ta mente tras di e robo mionario di diamante na Schiphol den 2005, a keda kondená na 7 aña kastigu.

Errol H.V. mes tabata kore e outo di transporte di plaka ku el a komete e robo kune. OM a pidi 9 aña. H.V. tabata den outo ku Marlon D. esaki a haña 6 aña kastigu. Algun siman prome ku e robo tabatin un intento frakasá. E tempu ei tambe HV tabata kore e vehikulo, huntu ku Erik P. e último aki no a partisipá mas den e aktividat kriminal i D a tuma su lugá. Pa intento di robo korte na Haarlem a duna P 3,5 aña kastigu. For di komienso tabata kla ku e kriminalnan a haña asistensia di paden. Funshonario di Schiphol Ramazan N a opservá Schiphol algun siman pa e banda krimina. Korte a dune un kastigu di 5 aña. E kaso a keda resolvé algun aña despues di un operashon undercover ekstenso pa polis. E diamantenan ta representá 72 mion doler, e robo di mas grandi den historia hulandes. Nunka mas a haña e diamantenan. Tambe un parti a keda tras den e bus ku a keda serka di airport. E shete sospechosonan a keda detené na komienso di 2017, 12 aña despues. 6 di nan mester a presentá den korte, e di shete i probablemente e sospechoso principal a muri resientemente.