Apesar di skarsedat botikarionan ta bende remedi ku eksterior

53
Botikarionan ta bende remedinan ku ta destiná pa pashèntnan hulandes
AMSTERDAM—Botikarionan den Hulanda ta bende remedinan den eksterior ku ta destiná pa pashèntnan hulandes.

Esaki ta kontribui ma e oumento di skarsedat di remedinan den Hulanda pa años kaba. Kompania di seguro VGZ kier un investigashon independiente di e trafikashon sekreto aki segun Trouw. Dos siman pasa organisashon di botikarionan KNMP a mèldu ku den 2018 kasi 800 remedi no tabata optenibel. Den 2010 e kantidat tabata 170. E skarsedat a bini dor di e preisnan abou di remedi den Hulanda. Fabrikantenan internashonal ta bende remedi mas lihe na pasinan ku ta paga mas. Ku kompanianan grandi tabata hasi esaki ta konosí, pero no botikanan. Ta kalkulá ku 40 pa 100 botikario ta bende remedy ku permit di kompania grandi. No ta ilegal pero moralmente repugnante segun e organisashon di remedinan GLN.